Мике Новогратз БитГо билан муваффақиятсиз 1,2 млрд долларлик келишув бўйича судда кўрсатма берди
Galaxy Дигитал асосчиси Мике Новогратз сешанба куни судда иштирок этиб, БитГо бош директори Мике Белше билан 2021-йилда амалга ошмаган 1,2 миллиард долларлик қўшилиш битими юзасидан давом этаётган ҳуқуқий курашда кўрсатма берди. Ушбу режалаштирилган келишув ўша пайтдаги крипто саноатидаги энг йирик бирлашиш бўлиши кутилган эди. Бу ҳақда Cointelegraph.com хабар беради.
Galaxy 2022-йил август ойида, Терра экотизимининг қулаши ортидан крипто бозори инқирозга юз тутган бир пайтда, келишувни бекор қилган эди. БитГо компанияси Galaxy'дан шартномани тўхтатгани учун 100 миллион доллар миқдорида жарима талаб қилмоқда. Шунингдек, БитГо томони Galaxy АҚШ расмийлари томонидан текширилаётганини яширганини даъво қилмоқда, Galaxy эса БитГо молиявий маълумотларни ўз вақтида тақдим этмаганини таъкидламоқда.
Bloomberg хабарига кўра, Новогратз Делавер штати судида ушбу битимни амалга оширишга ҳаракат қилганини, бироқ Гарй Генслер бошчилигидаги SEК (Қимматли қоғозлар ва биржа комиссияси) томонидан қўйилган қатъий талаблар туфайли тартибга солувчи органларнинг рухсатини олиш имконсиз бўлиб қолганини айтган.
Мике Новогратзнинг сўзларига кўра, Galaxy ҳеч қандай текширув объекти бўлмаган ва бу жараён бирлашишга таъсир қилмас эди. Унинг таъкидлашича, БитГо керакли молиявий ҳисоботларни ўз вақтида топширмаган, шу сабабли 100 миллион долларлик товон пулини олиш ҳуқуқидан маҳрум бўлган.
БитГо раҳбари Мике Белше эса душанба кунги кўрсатмасида барча керакли маълумотлар тақдим этилганини ва Galaxy'нинг ҳаракатлари компания обрўсига путур етказганини айтди. Суд жараёни шу ҳафта якунланиши кутилмоқда ва судя БитГо 100 миллион долларлик товон пулини олиш-олмаслиги бўйича якуний қарорни чиқаради.
“Zamin”ни Telegram'да ўқинг!
