НЙSE эгаси ИСЕ ва ОКХ нефтга боғланган фючерсларни ишга туширмоқда

Нев Ёрк Стокк Эхчанге (НЙSE) эгаси ҳисобланган Интерконтинентал Эхчанге (ИСЕ) ҳамда ОКХ криптовалюта биржаси нефт нархига боғланган муддатсиз фючерслар савдосини йўлга қўйиш бўйича ҳамкорликни бошлади. ОКХ жума куни ИСЕнинг Брент ва ВТИ хом нефт бенчмаркларига асосланган янги маҳсулотларни тақдим этишини маълум қилди. Бу ҳақда Cointelegraph.com хабар беради.

Ушбу янги шартномалар ОКХ мижозларига ИСЕнинг чуқур, ликвид ва шаффоф энергия бозорларига кириш имконини беради. ИСЕ фючерс биржалари бўйича катта вице-президенти Трабуе Бланднинг таъкидлашича, ушбу ҳамкорлик анъанавий энергия бозорлари ва рақамли активлар экотизимини бирлаштиришда муҳим қадамдир.

Мазкур лойиҳа жорий йилнинг март ойида эълон қилинган кенг кўламли ҳамкорликнинг биринчи маҳсулоти ҳисобланади. Ўшанда ИСЕ крипто биржага 25 миллиард доллар қийматида инвестиция киритган эди. Нефтга боғланган муддатсиз фючерслар фақат ОКХ лицензияга эга бўлган юрисдикцияларда чакана трейдерлар учун очиқ бўлади.

Муддатсиз фючерслар ёки “перпс” трейдерларга активни ҳақиқий сотиб олмасдан, унинг нархи кўтарилиши ёки тушишига пул тикиш имконини беради. Анъанавий фючерслардан фарқли ўлароқ, бу шартномалар амал қилиш муддатига эга эмас, бу эса трейдерларга ўз позицияларини чексиз вақт давомида очиқ сақлашга шароит яратади.

Сўнгги ойларда Binance ва Бйбит каби бошқа йирик биржалар ҳам нефт ва табиий газга боғланган деривативларни ишга туширган эди. Геополитик кескинликлар туфайли нефт нархидаги ўзгарувчанлик ортиб бораётган бир пайтда, бундай молиявий воситаларга бўлган талаб сезиларли даражада ўсмоқда.