Тошкентда Tesla ва Cobalt иштирокида ЙТҲ содир бўлди

^{Фото: ЙҲХБ}
Тошкент шаҳри Чилонзор тумани Муқимий кўчасида Tesla ва Cobalt иштирокида ЙТҲ содир бўлди.

Дастлабки маълумотларга кўра, 2022 йил 6 август куни соат 8:30 ларда Тошкент шаҳар, Чилонзор тумани Муқимий ва Арнасой кўчалари кесишган чорраҳада ҳайдовчилар — 1990 йилда туғилган Н.Н. бошқарувидаги Cobalt русумли транспорт воситаси 1977 йилда туғилган Д.Т. бошқарувидаги Tesla русумли транспорт воситалари иштирокида йўл-транспорт ҳодисаси содир бўлган.

Ҳодиса натижасида тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда. «Замин»ни Telegram’да ўқинг!