Тошкентда 4 та машина иштирокида ЙТҲ: 2 киши воқеа жойида ҳалок бўлди

^{Фото: Telegram}
Тошкент шаҳри Яшнобод тумани Махтумқули кўчасида 9 октябрь куни ЙТҲ содир бўлди. Ҳолат юзасидан шаҳар ички ишлар бош бошқармаси расмий маълумот берди.

Қайд этилишича, соат 20:30 да 79-уй қаршисида ҳайдовчилар:
- 1981 йилда туғилган В.Ш. бошқарувидаги 01 L 785 LB бўлган Nexia-3;
- 1992 йилда туғилган Р.М. бошқарувидаги 10 М 666 PA бўлган BMW;
- 1992 йилда туғилган Т.И. бошқарувидаги 01 З 292 GB бўлган Nexia-3;
- 1999 йилда туғилган Б.А. бошқарувидаги 30 E 701 UA бўлган Lacetti транспорт воситалари иштирокида йўл-транспорт ҳодисаси содир бўлган.

Ҳодиса оқибатида 01 З 292 GB бўлган Nexia-3 автомашинаси ҳайдовчиси ва йўловчиси олган тан жароҳати сабабли, воқеа жойида ҳалок бўлди.

Ҳолат юзасидан шаҳар ИИББ Тергов бошқармаси томонидан жиноят иши қўзғатилиб, тергов ҳаракатлари олиб борилмоқда. “Замин” янгиликларини “Telegram”да кузатиб боринг