Ўзбекистонликлар Германияга турли соҳаларга ишга таклиф қилинмоқда

Ўзбекистонликлар Германияга маоши 2000 евродан баланд бўлган бир қатор соҳаларда ишга таклиф этилмоқда. Бу ҳақда Ташқи меҳнат миграцияси агентлиги ахборот хизмати хабар берди.

Унга кўра, Германиянинг бир қатор ташкилотлари билан ҳамкорликка кўра фуқаролар хизмат кўрсатиш, ишлаб чиқариш, тиббиёт ва қурилиш соҳаларига ишга таклиф этилади. Қуйидаги рўйхатдан ўтиши мумкин:

• Duvenbeck – юк автомобили ҳайдовчиси, ойлик маош 2200 евродан бошланади — Рўйхатдан ўтиш;
•  НоВо Agency – ҳамширалик ва парвариш соҳаси, ойлик маош 1800 евро ва касбий тасдиқлангандан кейин 2200 евродан бошланади. Бухоро шаҳрида немис тилини ўқитиш бўйича дастур йўлга қўйилган — Рўйхатдан ўтиш;
• ConsultingUz – юк автомобилларига техник хизмат кўрсатиш ва уларни бошқариш, ойлик маош 1800 евродан бошланади. Фарғона, Андижон, Тошкент, Самарқанд ва Навоий шаҳарларида немис тилини ўқитиш бўйича дастур йўлга қўйилган. Хоразм шаҳрида немис тилини ўқитиш дастури режалаштирилмоқда — Рўйхатдан ўтиш;
• Ҳамширалик, ойлик маош 1800 евродан бошланади — Рўйхатдан ўтиш; 
• меҳмонхона, ресторан иши, ойлик маош 1800 евродан бошланади — Рўйхатдан ўтиш;
• Globogate Concept AG – ҳамширалик, ойлик маош 2200 евродан бошланади. Немис тилини ўқитиш бўйича Тошкент, Ангрен ва Нукус шаҳаpларида дастур йўлга қўйилган. Андижон шаҳрида немис тилини ўқитиш дастури режалаштирилмоқда — Рўйхатдан ўтиш;
• Тhе International Placement People – меҳмонхона, ресторан иши, ойлик маош 1800 евродан бошланади — Рўйхатдан ўтиш;
•  ECH Heyede GmbH (Каннелони) – меҳмонхона, ресторан иши, ойлик маош 1800 евродан бошланади — Рўйхатдан ўтиш.