Тошкентда содир бўлган ЙТҲ оқибатида Nexia-3 ёниб кетди

^{Фото: Тошкент шаҳар ИИББ ЙҲХБ ахборот хизмати}
Тошкент шаҳри, Юнусобод тумани, Амир Темур кўчасида 25 сентябрь куни соат 14:30 ларда ЙТҲ содир бўлди. Бу ҳақда Тошкент шаҳар ИИББ Йўл ҳаракати хавфсизлиги бошқармаси ахборот хизмати хабар берди.

Маълум қилинишича, Matiz автомашинаси ва Nexia-3 автомашиналари тўқнашиши оқибатида йўл транспорт ҳодисаси содир бўлган. Тўқнашувдан сўнг Nexia-3 автомашинасида ёнғин юзага келган.

ЙТҲ натижасида Matiz ҳайдовчисига биринчи ёрдам кўрсатиш мақсадида шифохонага олиб кетилган.

^{Фото: Тошкент шаҳар ИИББ ЙҲХБ ахборот хизмати}
Мазкур ҳолат юзасидан Тошкент шаҳар ИИББ ЙҲХБ маъсул ходимлари томонидан суриштирув ишлари олиб борилмоқда. «Замин»ни Telegram’да ўқинг!