Бюронинг Мирзо Улуғбек туман бўлими томонидан жиноят ишлари бўйича Шайхонтоҳур туман судининг 2026 йил 16 февралдаги ижро варақасига асосан қарздор Б.Т.дан давлат фойдасига 56 250 000 сўм миқдорида жиноий жарима ундириш бўйича 2026 йил 13 март куни ижро иши қўзғатилган.
Ижро ҳаракатлари давомида қарздорга жиноий жаримани белгиланган муддатда ихтиёрий тўлаш зарурлиги ҳамда уни тўламаслик қонунчиликка кўра янада оғир оқибатларга олиб келиши, жумладан, жазо озодликдан маҳрум қилиш билан алмаштирилиши мумкинлиги атрофлича тушунтирилди.
Берилган ҳуқуқий тушунтиришлар ва огоҳлантиришлардан сўнг қарздор вазиятни тўғри баҳолаб, тегишли хулоса чиқарган ҳолда 2026 йил 24 март куни 56.2 млн. сўм миқдоридаги жиноий жаримани ихтиёрий равишда тўлиқ тўлади.
Шунга асосан, мазкур ижро ҳужжати Қонуннинг 41-моддасига мувофиқ амалда тамомланди.
“Zamin”ни Telegram'да ўқинг!
