14:40 / 13.06.2017
6 965

Мирзиёев Путинга ҳамдардлик билдирди

Мирзиёев Путинга ҳамдардлик билдирди
Ўзбекистон Президенти Россия Президенти Владимир Путинга Байкалорти ўлкасида юз берган ЙТҲ туфайли йўловчиларнинг қурбон бўлгани муносабати билан ҳамдардлик мактуби йўллади.

«Байкалорти ўлкасида йўловчи автобуси иштирокида юз берган йўл-транспорт ҳодисаси оқибатида кўплаб инсонларнинг ҳалок бўлгани ва жароҳат олгани ҳақидаги хабарни чуқур қайғу билан қабул қилдим», – дейилади мактубда.

Шавкат Мирзиёев қурбон бўлганларнинг оила аъзолари ва яқинларига самимий таъзия ва далда сўзларини етказиб қўйишни сўради ҳамда жароҳат олганларга тез фурсатларда соғайиб кетишларини тилади, деб хабар қилади Ўзбекистон ТИВ матбуот хизмати.

Маълумот учун, 11 июнь куни Россиянинг Иркутск — Чита трассасида зиёратчилар автобуси ағдарилиб кетган, 14 киши ҳалок бўлган ва 25 киши жабрланган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Мирзиёев Путинга ҳамдардлик билдирди