Қўйлиқ бозори атрофида 21 нафар енгил табиатли аёл қўлга олинди

Тошкент шаҳар ИИББ ҲПБ ва Патруль-пост хизмати ходимлари томонидан 2017 йил 25 август куни ўтказилган “Орият” шартли номли тезкор тадбир натижасида Бектемир тумани, Қўйлиқ бозори атрофидаги ҳудудда фоҳишалик билан шуғулланишда гумон қилинган аёллар қўлга олинди. Бу ҳақда Тошкент шаҳар ИИББ хабар берди.

Ёш қиз ва аёллар билан олиб борилган профилактик суриштирув ишлари натижасида 21 нафар аёлга нисбатан Ўзбекистон Республикаси маъмурий жавобгарлик тўғрисидаги кодекснинг 190-моддаси (фохишалик) билан ҳужжатлар расмийлаштирилган.