МХХ навбатдаги валютафурушларни қўлга туширди (видео)

  • 25 сентябрь 2017, 13:30
  • 5 070
  • Жамият
  • МХХ навбатдаги валютафурушларни қўлга туширди (видео)
    Андижон вилоятида 20 минг АҚШ долларини 162 миллион сўмга сотишни режалаштирган икки нафар Ўзбекистон фуқаролари қўлга олинди. Бу ҳақда Ўзбекистон24 хабар бермоқда.

    МХХ ходимлари валютафурушларни доллар сотаётган пайтларида қўлга олди (Видео)
    Ўзбекистон Республикаси Миллий хавфсизлик хизмати Андижон вилояти бошқармаси ходимларининг, Бош прокуратура ҳузуридаги Солиқ, валютага оид жиноятларга ва жиноий фаолиятдан олинган даромадларни легаллаштиришга қарши курашиш департаментининг Андижон вилояти бошқармаси ходимлари билан ҳамкорликда ўтказган тезкор тадбирлари натижасида нақд хорижий валюта олди-соттиси билан шуғулланган айрим шахслар қўлга олинди.

    Фуқаролар Ойбек Қаххоров ва Гулбаҳор Мамадалиевалар ҳар бир АҚШ долларини 8100 сўмдан ҳисоблаб, 20 минг АҚШ долларини 162 миллион сўмга сотишга келишиб, шундан 18800 АҚШ долларини сотаётган вақтда ашёвий далиллар билан қўлга олинган.

    Ушбу ҳолат юзасидан Бош прокуратура ҳузуридаги департаментнинг Андижон вилояти бошқармаси томонидан Ўзбекистон Республикаси Жиноят кодексининг 177-моддаси билан жиноят иши кўзғатилган.
    [media=https://youtu.be/blBwT4xAHSI]

    Фикрлар

    » » МХХ навбатдаги валютафурушларни қўлга туширди (видео)