Ётоқхона сейфидаги 3,5 минг АҚШ доллари ўғирлаб кетилди...

Андижон шаҳар “Бўстон” маҳалла фуқаролар йиғини ҳудудидаги хонадонларнинг бирида ўғрилик содир этилди. Номаълум шахс очиқ қолган эшик орқали кириб, хонадон эгасининг ётоқхонасидаги темир сейфдан 3,5 минг АҚШ долларини ўғирлаб кетади.
Hordiq.uz нашрининг хабарига кўра, ҳолат юзасидан Ўзбекистон Республикаси Жиноят кодексининг 169-моддаси 1-қисми билан жиноят иши қўзғатилган.
Кўрилган чоралар натижасида ушбу жиноятни Андижон шаҳрида яшовчи, ҳеч қаерда ишламайдиган, 1978 йилда туғилган Ғ.М. содир этганлиги аниқланди ва ушбу шахс қўлга олингани маълум қилинди.
Ҳозирги кунда Ғ.М.нинг бошқа жиноятларга алоқадорлиги ўрганилмоқда. «Замин»ни Telegram’да ўқинг!