Наманганда 1 миллион долларлик банкнотани 10 минг долларга сотаётган фуқаро ушланди

^{Фото: Бош прокуратура матбуот хизмати}
Бош прокуратура ҳузуридаги Департаментнинг Уйчи тумани бўлими томонидан тезкор тадбир ўтказилди.
Унда фуқаро С.Л. бошқа фуқаронинг ишончига кириб, уни алдаб, хорижий банклардан кредит олиб бериш ва ўзининг 1 млн. АҚШ доллари кўринишидаги купюрасини сотиш эвазига, ундан фирибгарлик йўли билан 10 000 АҚШ долларини олган вақтида ушланган.

«Банк маълумотига кўра, 1 000 000 АҚШ долларлик банкнота сувенир сифатида чиқарилганлиги, қонуний тўлов воситаси ҳамда валюта қимматлиги ҳисобланмаслиги маълум бўлган», дейилади Бош прокуратура матбуот хизмати раҳбари Ҳаёт Шамсутдинов хабарида.
Мазкур ҳолат юзасидан С.Л.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.

Янгиликлар