18:50 / 25.03.2021
762

Сурхондарёда “Cluster”дан йирик миқдордаги солиқ қарздорлиги ундирилди

Сурхондарёда “Cluster”дан йирик миқдордаги солиқ қарздорлиги ундирилди
Мажбурий ижро бюроси Қумқўрғон туман бўлими иш юритувида Сурхондарё вилоят Давлат солиқ бошқармасининг қарорига асосан қарздор “TERMIZ JAYXUN CLUSTER” МЧЖдан давлат фойдасига солиқ қарздорликларини ундириш тўғрисида 13.02.2021 йилдаги ижро ҳужжатига асосан 1 миллиард 148 миллион 157 минг сўм, 26.02.2021 йилдаги ижро ҳужжатига асосан 200 миллион 48 минг сўм, 11.03.2021 йилдаги ижро ҳужжатига асосан 3 миллард 997 миллион 961 минг сўм, 15.03.2021 йилдаги ижро ҳужжатига асосан 28 миллион 476 минг сўм, 18.03.2021 йилдаги ижро ҳужжатига асосан 2 миллиард 108 миллион 702 минг сўм жами 7 миллиард 483 миллион 346 минг сўмлик ижро ҳужжатлари бўлим иш юритувига келиб тушган ва шу куни ижро иши юритишни қўзғатиш тўғрисида қарор қабул қилиниб, ижро ҳаракатларига киришилган.

Ушбу қарздорликлар ўз вақтида тўланмаганлиги сабабли давлат ижрочиси томонидан қарздор жамият огоҳлантирилиб, мажбурий ижро ҳаракатларига киришилди.

Натижада, “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг тегишли моддаларига асосан қарздор жамиятнинг барча ҳисоб рақамларига банд солиниб, инкассо топшириқномаси қўйилди.

Мажбурий ижро ҳаракатлари давомида қарздор “TERMIZ JAYXUN CLUSTER” МЧЖдан 2021 йил март ойида жами 7 миллард 483 миллион 346 минг сўм пул маблағлари ундирилиб, Сурхондарё вилоят Давлат солиқ бошқармасининг тегишли ҳисоб рақамларига ўтказиб берилди.

Мажбурий ижро бюроси вилоят бошқармаси ҳамда вилоят давлат солиқ бошқармаси ҳамкорлигида солиқлардан мавжуд қарздорликларни ундиришга қаратилган назорат тадбирлари тизимли равишда амалга оширилаяпти.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Сурхондарёда “Cluster”дан йирик миқдордаги солиқ қарздорлиги ундирилди