11:44 / 01.05.2021
1 413

Тошкент вилоятида 2 млн доллар «ишлаб олмоқчи» бўлган шахслар қўлга олинди

Тошкент вилоятида 2 млн доллар «ишлаб олмоқчи» бўлган шахслар қўлга олинди

Улар, айтилган пулнинг 50 минг АҚШ долларини олаётган вақтида ИИВ ходимлари томонидан ушланган.
Жорий йилнинг 19 апрель куни фуқаро С.Х. ва Х.С Ички ишлар вазирлигига ариза билан мурожаат қилади.

Улар ўз аризасида «Муҳаммаджон» исмли шахс, Бўстонлиқ тумани «Навобод» маҳалласи ҳудудида жойлашган «AL-INOBAT» МЧЖга тегишли оромгоҳ ва балиқчилик кўли ташкил қилиш учун – Бўстонлиқ туман ҳокимининг 2017 йил 25 октябрдаги 620-сон қарори билан инвестиция киритиш шарти билан ажратилган 10 гектар ер майдонини 1 млн 900 минг АҚШ долларига ҳокимлик орқали ҳужжатлаштириб бериш шарти билан сотмоқчи эканлигини, ҳозирда эса айтилган пулнинг 50 минг АҚШ доллари беришини талаб қилаётганлигини маълум қилган ва унга нисбатан қонуний чора кўришни сўраган.

Мазкур аризага асосан, 2021 йил 23 апрель куни Вазирлик ЖҚББ Коррупция ва иқтисодий жиноятларга қарши курашиш бошқармаси ходимлари ҳамда Бош прокуратура ҳузуридаги ИЖҚК Департаменти Тошкент вилояти бошқармаси ходимлари ҳамкорлигида ўтказилган тезкор тадбир давомида, П.П., Н.М., С.В., Т.А., Ш.К. ҳамда Д.А.лар Тошкент шаҳар Чилонзор тумани, 4-мавзе 65-уй олдидаги автотураргоҳда назоратдаги ариза муаллифларидан С.Х. ва Х.С.дан 50 минг АҚШ доллари олган вақтида ашёвий далиллар билан ушланганлар.

Мазкур ҳолат юзасидан Бош прокуратура ҳузуридаги ИЖҚК Департаменти Тошкент вилояти бошқармаси томонидан Жиноят кодексининг 168-моддаси 4-қисми «а» банди билан жиноят иши қўзғатилиб, дастлабки тергов ҳаракатлари олиб борилмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Тошкент вилоятида 2 млн доллар «ишлаб олмоқчи» бўлган шахслар қўлга олинди