Тошкентдаги теплоизоляция ишлаб чиқариш цехида ёнғин юз берди

^{Фото: ФВВ матбуот хизмати}
Тошкентнинг Бектемир туманида жойлашган теплоизоляция ишлаб чиқариш цехида 17 октябрь куни соат 03:24 да ёнғин юз берди. Бу ҳақда ФВВ матбуот хизмати хабар берди.

Маълум қилинишича, Ҳусайн Бойқаро кўчаси 11-уйда жойлашган «Сувмаш» заводи ҳудудида ижарада бўлган «Техноплекс» МЧЖга қарашли ушбу цех бостирмасининг ички ва том қисми ҳамда унинг маҳсулотлари 1200 квадрат метр майдонда ёнган.

Ёнғин соат 04:21 да қуршаб олиниб, соат 04:44 да ўчирилган. Ёнғиндан бостирма ва унга туташ биноларнинг 5000 квадрат метр майдони сақлаб қолинган. Ҳозирда ёнғин сабаби ва зарар миқдори аниқланмоқда.

Ҳодиса оқибатида ҳалок бўлган ва жабрланганлар йўқ. «Замин»ни Telegram’да ўқинг!