Таниқли актёр ва режиссёр Алишер Узоқов ўзининг узоқ давом этган ижодий танаффусидан сўнг киносевар мухлислар учун янги фильмини тақдим этди, деб хабар беради «iLife.uz».
26 февраль куни Тошкентнинг Royal Cinema кинотеатрида мазкур «Кузда гуллаган дарахт» фильмининг ёпиқ премьераси бўлиб ўтди. Чарос ва Дониёрнинг аламли изтироблардан ҳоли бўлмаган соф ва бахтли муҳаббат қиссаси ҳақида ҳикоя қилувчи мазкур кинокартинада кутилмаганда томошабин вужудини жумбушга келтирувчи саҳналарнинг мавжудлиги унинг муваффақияти учун хизмат қилган.
Чин муҳаббат, садоқат, одамийлик туйғулари, инсон ҳаётининг жамики моддиятлардан устун туриши ҳақиқатини ёритувчи ушбу фильм Алишер Узоқов сценарийси асосида постановкачи оператор Иззатилла Лутфуллаев, постановкачи рассом Дилшод Нуриддинов томонидан суратга олинган. Бош ролларни Раъно Шодиева, Зиёда Ҳудойқулова, Алишер Узоқов; ролларни Бобур Йўлдошев, Шаҳзода Матчонова, Фарҳод Абдуллаев ва Раъно Ярашева ижро этган.
Драма жанрида яратилган «Кузда гуллаган дарахт» фильмининг премьераолди намойишида фильм ижодкорлари, эл суйган санъат ва маданият намоёндалари иштирок этди.
Фильмни 27 февралдан Ўзбекистон кинотеатрларида томоша қилишингиз мумкин.
Манба: www.daryo.uz “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Эрдўғон Туркия Исроил билан алоқаларини узганини маълум қилди
Боррел ЕИнинг Исроил билан мулоқотини тўхтатишни таклиф қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Ўзбекистонлик MMAчилар жаҳон чемпионатида биринчи ўринни эгаллашди
