Ҳозирги замон киносаноатининг энг салоҳиятли ва талабгир режиссёрларидан бири — Кристофер Ноланнинг навбатдаги катта лойиҳаси «Одиссея» фильми бўйича қизғин тайёргарликлар давом этмоқда. Универсал студияси томонидан 2026 йил 17 июл куни катта экранларга чиқиши режалаштирилган ушбу фильмга чипталар шундоқ ҳам сотилиб бўлди, деб Peopletalk хабар берди.
17 июль тонгида Universal студияси фильмнинг IMAX форматдаги премьераси учун чипталарни кутилмаган ҳолда савдога чиқарди. Ҳаммаси бир соат ичида сотилиб бўлди. Нью-Йоркдаги машҳур AMC Empire кинотеатрда эса барча жойлар фақат беш дақиқа ичида банд қилингани маълум қилинди. Бу ҳолат томошабинларнинг фильмга бўлган улкан қизиқиши ва Ноланга бўлган юксак ишончидан далолат беради.
«Одиссея» нафақат мавзуси, балки техник жиҳатдан ҳам кино оламида илк қадамларни ташламоқда. Бу Ноланнинг энг қимматбаҳо фильми бўлиб, тўлиқ IMAX 70 мм плёнкада суратга олинаётган дунёдаги биринчи лентага айланади. Фильмни айнан шу сифатда фақатгина дунё бўйлаб 30 та кинотеатрда томоша қилиш мумкин бўлади.
Фильмдаги роллар жаҳон кино юлдузлари томонидан ижро этилади:
Мэтт Дэймон — Одиссей,
Том Холланд — Телемах,
Энн Хэтэуэй — Пенелопа,
Зендея — Афина,
Шарлиз Терон — Цирцея.
Аллақачон ижтимоий тармоқларда Мэтт Дэймон ва Том Холланд иштирокидаги суратлар тарқалди ва фильмга бўлган қизиқиш янада ошди.
Фильмда қадимги Юнон қаҳрамони Одиссейнинг Троя урушидаги ғалабадан кейин уйига қайтиш йўлида бошидан кечирган саргузаштлари акс эттирилади. Бу классик сюжетни замонавий технологиялар, визуал эффектлар ва мукаммал актёрлик маҳоратлари билан уйғунлаштирган ҳолда қайта намойиш этиш Ноландан кутилган катта эксперимент ҳисобланади.
«Замин»ни Telegram’да ўқинг! 
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
