Лола Элтоева Истанбулда ғолиб бўлди ва халқаро мукофот олди
Лола Элтоева Истанбулда ўтказилган ТУРКСОЙ халқаро маросимида “Энг яхши театр актрисаси” номинациясида ғолиб бўлиб, халқаро мукофотни қўлга киритди. Ўзбекистонда хизмат кўрсатган артист ва Ўзбек Миллий академик драма театри актрисаси ушбу мукофотга 2025 йил якунлари бўйича сазовор бўлди. ТУРКСОЙ Халқаро театр мукофотлари 11-марта ташкил этилиб, туркий давлатлар театр жамоалари ўртасидаги ижодий ҳамкорликни мустаҳкамлашга қаратилган.
Истанбулда бўлиб ўтган TURKSOY халқаро маросимида актриса “Энг яхши театр актрисаси” номинациясида ғолиб деб топилди. Шу тариқа Лола Элтоева халқаро мукофотга сазовор бўлди.
Истанбул шаҳрида TURKSOY Халқаро театр мукофотларини топшириш маросими тантанали тарзда ташкил этилди. Ўн биринчи бор ўтказилган ушбу нуфузли халқаро тадбирда ташкилотга аъзо давлатларнинг театр соҳасида фаолият олиб бораётган етакчи ижодкорлари 2025 йил якунлари бўйича турли номинациялар билан тақдирланди.
Қувонарлиси, Ўзбек Миллий академик драма театри актрисаси, Ўзбекистонда хизмат кўрсатган артист Лола Элтоева “Энг яхши театр актрисаси” номинациясида халқаро мукофотни қўлга киритди.
Мазкур маросим ҳар йили Халқаро Анадолу театр мукофотлари доирасида ўтказилиб, туркий давлатлар театр жамоалари ўртасидаги ижодий ҳамкорликни мустаҳкамлаш, умумий маданий меросни оммалаштириш ҳамда саҳна санъати ривожига ҳисса қўшишни мақсад қилади.
Шунингдек, бошқа мамлакатлар вакиллари ҳам турли йўналишларда муносиб эътирофга сазовор бўлди. Жумладан, Қозоғистондан Эренбак Тойкенов “Энг яхши театр режиссёри”, Қирғизистондан Садир Ниязақунов “Энг яхши саҳна рассоми”, Озарбайжондан Али Эмирли “Энг яхши драматург” ҳамда Туркманистондан Батир Чариев “Энг яхши театр актёри” номинацияларида мукофот билан тақдирланди.
Изоҳлар 0
…