Машҳур ижодкор Жаҳонгир Отажонов яқинда Европа мусиқасининг Ўзбекистонда оммалашуви сабабларини муҳокама қилди. Унга кўра, ҳозирги кунда халқ кўпроқ хорижий қўшиқларни тингламоқда, чунки маҳаллий мусиқий маҳсулотлар етарли даражада сифатли ва қизиқарли эмас.
Отажонов фикрича, бу ҳолатнинг асосий сабабчиси ижодкорлар ва саноатдаги етакчи кучлар бўлиб, улар ўз аудиториясини тўлиқ қониқтира олмаяпти. “Демак, буни биз ўзимиз қила олмаяпмиз, халқ айбдор эмас”, — дея таъкидлади у.
Санъаткорнинг қайд этишига кўра, маҳаллий мусиқани ривожлантириш ва замонавий аудитория талабларига мослаштириш орқали ҳолатни ўзгартириш мумкин. Шу йўл билан халқ қайта ўз маданий меросини қадрлай бошлаши кутилмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг 
