Актриса Наргиза Абдуллаева мухлисига қилган самимий ва кутилмаган сюрпризи билан ижтимоий тармоқларда катта шов-шувга сабаб бўлди. Тарқалган видеоларда онахонни актриса билан шахсан учрашгани, самимий суҳбатлашгани акс этган.
Маълум бўлишича, онахон актрисани жуда ҳурмат қилиши, унинг ижоди ва ҳаётий қарашларини қадрлашини билдирган. Ушбу самимий сўзлардан хабар топган Наргиза Абдуллаева мухлисасини қувонтиришга қарор қилиб, у билан юзма-юз учрашган.
Видеоларда онахоннинг ҳаяжон аралаш қувонч билан актрисани кутиб олгани, кўзларида ёш билан уни бағрига босгани кўринади. Актриса эса оддийлиги ва самимийлиги билан мухлисининг кўнглини кўтарган, илиқ суҳбат орқали унга унутилмас лаҳзалар туҳфа этган.
Мазкур учрашув ижтимоий тармоқларда кенг муҳокама қилиниб, фойдаланувчилар томонидан катта илиқлик билан қарши олинмоқда. Кўпчилик бундай инсонийлик ва эътибор ҳар қандай машҳурликдан устун эканини таъкидлашмоқда.
“Zamin”ни Telegram'да ўқинг!
