Хонанда Муниса Ризаева охирги чиқарган “Бевафо” номли қўшиғига ишланган клипи сабаб раққоса қизлар орасида норозилик юзага келди. Кўплаб фойдаланувчилар изоҳларда клипда раққосалар камситилгани ҳақида фикрлар қолдиришган.
Шундан сўнг хонанда клипдан ранжиганларга мурожаат қилди:
"Мен клипим сабабли ранжиган барча қизларга мурожаат қиламан. Бу саҳнада баъзи инсонлар ўз касбига ҳурматсизликни кўрганидан афсусдаман. Лекин жуда муҳим бир нарса айтмоқчиман — бу ҳикоянинг асл маъноси бундай эмас эди. Клипни бошидан охиригача диққат билан кўрсангиз, салбий образ раққоса эмас, балки уни алдаб, хиёнат қилиб ташлаб кетган инсон эканлигини тушуниб етасиз.
Финалдаги сўзлар клип муаллифларининг сўзлари эмас, ўша қаҳрамоннинг шафқатсизлиги, кибри ва инсонларга нисбатан адолатсизлигини кўрсатиш учун берилган образ. Бу сюжет қизнинг касби ҳақида эмас, балки хиёнат, ёлғон ва инсоннинг пасткашлиги ҳақида", дея мурожаат қилди.
Изоҳларда эса кузатувчилар хонанданинг мурожаатини илиқ кутиб олиб, унинг фикрини қўллаб-қувватлашди.
“Zamin”ни Telegram'да ўқинг!
