15:05 / 12.12.2023

Шомуродовнинг голли узатмасидан сўнг “Кальяри” “Сассуоло” устидан иродали ғалабани қўлга киритди (видео)

Футбол бўйича Италия А Сериясининг 15-турида “Кальяри” 11 декабрь, душанба куни “Сассуоло”га қарши баҳс олиб борди.

Элдор Шомуродов тўп сурадиган “Кальяри” 2:1 ҳисобида ғалаба қозонди. 7-дақиқада “Сассуоло” футболчиси Мартин Эрлич ҳисобни очди. 62-дақиқада Руан қизил карточка олиб, майдонни тарк этди.

Ҳакам қўшиб берган дақиқаларда эса “Кальяри” 2 та гол уришга муваффақ бўлди. Дастлаб, 90+4-дақиқада Жанлука Лападула мувозанатни тиклаган бўлса, 90+8-дақиқада Элдор Шомуродовнинг узатмасидан сўнг Леонардо Паволетти жамоасининг ғалабали голига муаллифлик қилди.

А Серия

15-тур баҳси

11 декабрь, душанба

“Кальяри” – “Сассуоло” 2:1

Голлар: 0:1 – 7 Эрлич, 1:1 – 90 Лападула, 2:1 – 90 Паволетти.

“Кальяри”: Скуффет, Заппа, Голданига, Доссена, Аужелло (Манкозу, 90), Ористанио (Шомуродов, 74), Нандес (Паволетти, 59), Виола, Прати (Петанья, 90), Сулемана (Лувумбу, 59), Лападула.

“Сассуоло”: Консили, Толян, Эрлич, Руан, Виня (Байрами, 73), Кастилехо (Феррари, 65), Рачич (Волпато, 81), Матеус Энрике, Торстведт, Лорянте (Педерсен, 65), Пинамонти (Мулаттери, 81).

Огоҳлантиришлар: Лорянте (9), Руан (35), Эрлич (42), Голданига (55), Консили (69), Торстведт (90), Мулаттери (90).

Четлатиш: Руан (62).