Аббосбек Файзуллаев бир йил ичида нафақат ЦСКАнинг, балки Россия Премьер-лигасининг энг зўр футболчиларидан бирига айланди.
Бугунги кунда ЦСКАни ўзбек легионеримиз тасаввур қилиб бўлмайди. 20 ёшли ҳужумкор футболчи майдонда жой танламайди. Ўнг қанот, чап қанот, марказдан ҳам ҳужум ташкил қила олади.
Файзуллаевнинг майдонни кўра олиши, плеймейкерлик қобилияти, курашувчанлиги, бетакрор дриблинглари, тезкорлиги, аниқ зарбалари, қулай паслари ва яна бир қатор фазилатлари “армиячилар”нинг фойдасига ишламоқда.
Аббосбек 2023 йилнинг августида “Пахтакор”дан ЦСКАга кўчиб ўтган. Лекин истеъдодли футболчимиз учун Россиядан жамоа топиш осон бўлмаган экан.
Бу ҳақда ЦСКАнинг аввалги бош мураббийи Владимир Федотовнинг ёрдамчиси бўлиб ишлаган мутахассис Олег Фоменко россиялик журналистлар билан суҳбатда айтиб берди.
— Аввалги бош мураббий Владимир Федотов Аббосбек Файзуллаевнинг трансферига шубҳа билан қараган экан. Шу ростми?
— Нафақат Федотов. Аббосбекни олишни Россия Премьер-лигасининг кўплаб клубларига таклиф қилишган, лекин ҳамма бу имкониятдан воз кечган эди.
— Федотовда айнан қайси масала савол туғдирган?
— Россия Премьер-лигасида жисмоний кучга таянган кураш кўп. Ўзбекистон чемпионатидан келган озғингина ёш йигитчага қараганингда, ақлингга “Уни ўйинда оёқ остида қолиб кетмаса эди”, деган фикр келади.
Лекин Аббосбек ҳам инсон, ҳам футболчи сифатида ҳаммани ҳайратга сола олди. Файзуллаев жуда тез асосий таркибнинг муҳим ўйинчисига айланди. Аслида уни келажак учун олиб келишган эди.
Эслатиб ўтамиз, Аббосбек Файзуллаев “Пахтакор” клуби тарбияланувчиси ҳисобланади. 2021 йили “шерлар”нинг асосий таркибига қабул қилинган.
20 ёшли ҳужумкор футболчимиз “Пахтакор” таркибида Ўзбекистон Суперлигаси, мамлакат кубоги, Осиё Чемпионлар лигаси доирасида жами 41 та учрашувда иштирок этиб, ўз ҳисобига 10 та гол ва 3 та ассист ёздириб қўйган.
Аббосбек легионерга айланганидан кейин ҳам сермаҳсуллигини давом эттирмоқда. Файзуллаев ЦСКАга ўтганидан бери Россия Премьер-лигаси ва мамлакат кубоги баҳсларида ҳозиргача 43 та учрашувда майдонга тушди. Ҳамюртимиз бу ўйинларда рақиблар дарвозасини 6 маротаба ишғол қилиб, жамоадошларига 19 та голли пас берди.
Бугунги кунда Аббосбек Файзуллаевнинг трансфер суммаси 6 миллион еврони ташкил қилмоқда. Легионеримиз Марказий Осиёнинг энг қимматбаҳо ўйинчиси ҳисобланади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Хонанда Рухшона уйланмаган йигитга турмушга чиққани ҳақида сўзлаб берди
Ким Чен Ин Ғарбни Украинадан Россияга қарши фойдаланганликда айблади
