"Манчестер Сити" Бразилия U-17 ва Аргентина U-17 сардорларини ўз сафига қўшиб олди

Хабарингиз бор, "Манчестер Сити" клуби қишки трансфер ойнасида 4 нафар янги ўйинчини сотиб олди.

Бундан ташқари, 2024 йилнинг январь ойида трансфер қилинган ва бир йилга ўз клуби "Ривер Плейт"га ижарага берилган ҳужумкор ярим ҳимоячи Клаудио Эчеверри ҳам 27 февраль куни "шаҳарликлар" сафига келиб қўшилгани эълон қилинди.

"Манчестер Сити" сафига қишда келиб қўшилганлар:

1. Абдуқодир Ҳусанов (Ўзбекистон), 2004
2. Витор Рейс (Бразилия), 2006
3. Омар Мармуш (Миср), 1999
4. Нико Гонсалес (Испания), 2002
5. Клаудио Эчеверри (Аргентина), 2006

Қизиғи, Витор Рейс ҳамда Клаудио Эчеверри 2023 йил Индонезияда бўлиб ўтган U-17 Жаҳон чемпионатида Бразилия ҳамда Аргентина ўсмирлар терма жамоаси сардори бўлишган. Ўша мусобақанинг чорак финалида бу икки юрт жамоаси ўзаро тўқнаш келган. Учрашувда Эчеверри хет-трик қайд этиб Аргентина U-17 ни ярим финалга олиб чиққан. 2025 йилга келиб эса "Манчестер Сити" Бразилия ва Аргентина ўсмирлар терма жамоаси сардорларини ўз сафига қўшиб олди.

Манба: Championat.asia “Замин” янгиликларини “Telegram”да кузатиб боринг