Отабек Холматовнинг жанги нокаут билан якунланди

^{©Турар Казангапов, Vesti.kz}
Остонадаги бокс оқшоми доирасида енгил вазн тоифаси вакиллари ўзбекистонлик Отабек Холматов (13-1, 12 КО) ва филиппинлик Жейсон Кано Манигос (30-13-2, 20 КО) ўртасида қизиқарли жанг бўлиб ўтди, деб ёзади Vesti.kz.

Отабек Холматов Манигосни тугатиш учун қўлидан келганини қилди, лекин у доим ўрнидан туриб, курашни давом эттирди. Буларнинг барчаси охирги, саккизинчи раундгача давом этди, филиппинлик яна нокдаунга учради. Бироқ бу сафар ҳакам унга жангни давом эттиришга рухсат бермади. Натижада Отабек Холматов техник нокаут билан ғалаба қозонди.

Отабек Холматов учун бу битта омадсизлик билан профессионал рингдаги 13-ғалабаси бўлиб ҳисобига ёзилди. Манигос эса 30 ғалаба ва иккита дуранг билан 13-мағлубиятини қабул қилди. “Замин” янгиликларини “Telegram”да кузатиб боринг