Реал мураббийи мағлубиятга муносабат билдирди

"Реал Мадрид" Чемпионлар Лигаси чорак финалида "Арсенал"га иккала учрашувда ҳам мағлуб бўлиб, мусобақани тарк этди, деб euro-football.ru хабар берди. Биринчи ўйинда 0:3, иккинчисида эса 1:2 ҳисобида ютқазган мадридликлар ярим финалга чиқа олмади.

Учрашувдан сўнг "Реал" бош мураббийи Карло Анчелотти Movistar телеканалига интервью берди ва вазиятга ўз муносабатини билдирди:

“Қаршиликни ўзгартириш учун бизга ижобий нарса керак эди. Бироз ишонч, бир оз куч керак эди. Ҳаракат қилдик, лекин биринчи ўйиндаги динамикани ўзгартиришнинг иложи бўлмади. Келинг, ростини айтайлик – 'Арсенал' ҳар икки ўйинда ҳам кейинги босқичга чиқишга муносиб ўйнади. Футболда икки томон бор: хурсандчилик ва қайғу. Биз кўпинча қайғули томонда бўлмаймиз, лекин бунақа пайтларда тўғри хулоса чиқариб, келажакда яхшироқ бўлишимиз керак", – деди Анчелотти.

"Реал" навбатдаги ўйинини 20 апрель куни Испания Ла Лигасида "Атлетик"га қарши ўтказади. «Замин»ни Telegram’да ўқинг!