Суперлига. ОКМК суперкамбек амалга ошириб, "Андижон"ни мағлуб этди

Суперлиганинг 8-туридан ўрин олган навбатдаги баҳс якунига етди. ОКМК ўз майдонида "Андижон"ни қабул қилди. Мазкур тўқнашувда мезбонлар суперкамбек амалга оширган ҳолда ғалабани қўлга киритди - 4:3.

Дастлаб, 16-дақиқада Хуршид Ғиёсов мезбонларни ҳисобда олдинга олиб чиқди, орадан кўп ўтмай эса Бектемир Абдуманнонов 19-дақиқада орадаги фарқни йўққа чиқарди.

Биринчи бўлимнинг сўнгги дақиқаларидаги Алтин Крезиу (39) ва Сардорбек Азимов (42)нинг голлари эса "бургутлар"нинг танаффусга ишончли ҳисобда йўл олишини таъминлади. 60-дақиқада қизил карточка билан жазоланган Али Абдураҳмонов жамоасининг кейинги дақиқаларда бир киши кам бўлиб ўйнашига сабаб бўлди. Иккинчи бўлимнинг 85-дақиқасига келиб пенальтидан унумли фойдаланган Ғиёсов дубль амалга ошириб, орадаги фарқни қисқартирди. 90+4-дақиқада ҳимоядаги тартибсизликдан фойдаланган Ойбек Рустамов кучларни тенглаштириб қўйди. Ҳакам 90+5-дақиқада мезбонлар дарвозаси томон яна 11 метрлик жарима зарбасини белгилади ва Ғиёсов баҳсдаги хет-трикни расмийлаштириб қўйди.

Шу тариқа, олмалиқликлар муҳим 3 очкони қўлга киритди ва турнир пешқадамига айланиб олди.

ОКМК – "Андижон" 4:3
Голлар: Хуршид Ғиёсов (Дилшодбек Аҳмадалиев) 16', Хуршид Ғиёсов пенальти 87', Ойбек Рустамов (Ислом Тўхтахўжаев) 90+3', Хуршид Ғиёсов пенальти 90+7' – Бектемир Абдуманнонов 19', Алтин Крезиу (Бектемир Абдуманнонов) 39', Сардор Азимов (Илҳомжон Абдуғаниев) 42'

ОКМК: 25.Дилшод Ёқубов, 4.Миржамол Қосимов (77.Нодирбек Абдураззоқов, 56), 6.Авазбек Ўлмасалиев, 7.Дилшодбек Аҳмадалиев, 9.Клейди Даци (27.Али Абдураҳмонов, 56), 10.Хуршид Ғиёсов, 11.Рубен Санчес (8.Азиз Холмуродов, 78), 15.Ойбек Рустамов, 19.Аҳмадулло Муқумжонов, 20.Ислом Тўхтахўжаев, 28.Арихиро Сентоку (99.Асадбек Собиржонов, 78).
Захира: 1.Ҳумоюншоҳ Сайётов, 5.Гиорги Папава, 13.Элдорбек Бегимов, 16.Наоки Сенага, 90.Абубакр Ризо Турдиалиев.

"Андижон": 1.Элдор Адҳамов, 4.Исломбек Маматказин, 5.Абдулвоҳид Ғуломов, 6.Алтин Крезиу (8.Искандар Шайқулов, 63), 7.Рустам Турдимуродов (11.Ислам Машуков, 90), 10.Илҳомжон Абдуғаниев (32.Лука Ускокович, 90+3), 13.Сардорбек Азимов, 18.Дамир Темиров (9.Мирзад Меҳанович, 90), 33.Олег Зотеев, 66.Миомир Журичкович, 71.Бектемир Абдуманнонов (22.Усмонали Исмоналиев, 90).
Захира: 25.Валижон Раҳимов, 14.Абдураҳмон Комилов, 17.Фарҳод Соҳибжонов, 23.Дониёр Абдуманнопов.

Огоҳлантиришлар: Алтин Крезиу (31), Авазбек Ўлмасалиев (67), Элдор Адҳамов (90+2).
Четлатиш: Али Абдураҳмонов (60). «Замин»ни Telegram’да ўқинг!