Бугун Жиззахдаги “Дўстлик” стадионида бўлиб ўтган халқаро ўртоқлик баҳсида Ўзбекистон U-20 терма жамоаси Қозоғистон ёшлар термасига қарши куч синашди. Учрашув давомида мезбонлар устун ўйин намойиш этиб, рақибни 3:1 ҳисобида мағлуб этди.
Беллашув жуда фаол бошланди — 8-дақиқада қозоғистонлик Али Тўрганов тезкор ҳужум натижасида ҳисобни очиб, меҳмонларга устунлик олиб келди. Бироқ бу устунлик узоққа чўзилмади: 13-дақиқада Абдуғафур Ҳайдаров жамоамиз учун ҳисобни тенглаштирди.
Ўйин шиддати ортиб борган сари, Ўзбекистон ёшлари ташаббусни тўлиқ ўз қўлига олди. 35-дақиқада Ҳайдаров яна бир бор майдон марказидаги узатмадан фойдаланиб, жамоани ҳисобда олдинга чиқди. Биринчи бўлим шу натижа билан якунланди.
Иккинчи таймда ҳам ўзбек ёшлари устунликни қўлдан бой бермади. 53-дақиқада Асилбек Жумаев жарима майдонидаги чиройли зарба билан учинчи голни киритди. Шу тариқа, ҳисоб 3:1 бўлди ва ўйин охиригача ўзгармади.
U-20 халқаро ўртоқлик баҳси
Ўзбекистон U-20 – Қозоғистон U-21 3:1
Тошкент вилояти. Миллий футбол маркази. 17:00
Голлар: Али Турганов 8', Абдуғофур Ҳайдаров 13', 35', Асилбек Жумаев 53'
Ўзбекистон U-20: 1.Максим Муркаев, 3.Дилшод Муртазоев (15.Мейирбек Режабалиев, 69), 6.Равшан Хайруллаев, 8.Шоҳжаҳон Ёрқинбоев (14.Ойбек Ўрмонжонов, 63), 11.Жавоҳир Убайдуллаев (5.Озодбек Эргашев, 82), 17.Фирдавс Абдураҳмонов (13.Асилбек Жумаев, 46), 18.Наримон Аҳмаджонов (2.Саидхон Ҳамидов, 69), 20.Дилшод Абдуллаев (4.Ғиёсжон Ризақулов, 82), 22.Нурлан Ибраимов (19.Рустамбек Фомин, 82), 23.Абдуғафур Ҳайдаров (9.Саидумархон Саиднуруллаев, 63), 24.Диёрбек Абдуназаров (16.Беҳруз Каримов, 46).
Захира: 12.Умар Рустамов, 21.Самандар Муратбаев.
Қозоғистон U-21: 12.Абилхайир Алиакбар, 2.Жансултан Мухаметханов, 6.Абинур Нуримбет, 11.Ян Труфанов, 13.Рамазан Каримов, 14.Глеб Валгушев, 15.Али Турганов, 18.Бахтияр Толеуов, 19.Тамерлан Агиманов, 20.Вячеслав Раскатов, 21.Аян Байдевлетов.
Захира: 1.Дулат Талисбаев, 22.Мирас Рихард, 3.Темирлан Мурзагалиев, 4.Султон Асқаров, 5.Никита Губарев, 7.Нурали Жаксилик, 8.Ўлжас Байбек, 9.Багдат Рамазан, 10.Давид Ессимбетов, 16.Алихан Серикбай, 17.Магжан Токтибай.
Бу ғалаба терма жамоамизнинг кейинги ривожланиш босқичида муҳим аҳамият касб этади. Мураббийлар штаби жамоа ўйинидаги бирдамлик ва тезкорликни юқори баҳолади.
Эслатиб ўтамиз, бу икки жамоа ўртасидаги аввалги учрашув ҳам ўзбек ёшларининг 1:0 ҳисобидаги ғалабаси билан якунланган эди.
Шундай қилиб, Ўзбекистон U-20 ёшлар терма жамоаси икки ўйинда ҳам рақибини мағлуб этиб, ёшлар футболида ўз устунлигини яна бир бор намойиш этди.
