Эрон мураббийи финалда кимни кутаётганини очиқ айтди

2 дақиқа ўқиш288
Эрон мураббийи финалда кимни кутаётганини очиқ айтди

ФИФА кунлари доирасида БААда ўтказилаётган «Ал-Айн Кубоги» яна бир қизғин баҳсларга бой мусобақага айланди. Дастлабки ярим финалда Эрон миллий жамоаси ЖЧ-2026 қатнашчиси Кабо-Вердени асосий вақтдаги 0:0 ҳисобидан кейин пенальтилар сериясида (5:4) мағлуб этиб, финалга йўл олишга муваффақ бўлди.

Шу ўринда форслар бош мураббийи Амир Ғаленойи учрашувдан кейинги матбуот анжуманида нафақат ўйин ҳақида тўхталиб ўтди, балки финалда қайси жамоага қарши баҳс олиб боришни исташини ҳам очиқ билдирди. Унинг айтишича, бу турнирдаги натижа асосий мақсад эмас, чунки жамоа мутлақо бошқа — Жаҳон чемпионатига тайёргарлик йўналишида иш олиб бормоқда.

Амир Ғаленойи таъкидлаганидек, Эрон асосий таркибнинг бир қатор етакчиларисиз майдонга тушганига қарамай, жамоа тактик жиҳатдан жуда фойдали машғулот олди. У, хусусан, Сардор Озмун, Меҳди Ғоедий, Али Голезода, Алиризо Жаҳонбахш каби муҳим ўйинчиларнинг йўқлиги жамоага маълум қийинчиликлар туғдираётганини эътироф этди.

«Жаҳон чемпионатига йўлланма олган жамоа устидан ғалаба қозонганимиз, албатта, хурсанд қилади. Лекин шунга қарамай, бу турнирдаги ютуқ ёки мағлубиятнинг аҳамияти катта эмас. Азиз дўстлар, шуни яхши тушунишимиз керакки, бу баҳслар бизнинг кучли ва заиф томонларимиз қай ерда эканини кўрсатиб беради. Биз учун энг муҳими — ўрганиш ва тайёргарлик», — деди Ғаленойи.

Куни кеча журналистлар томонидан финалда қайси жамоага қарши ўйнашни исташи ҳақида берилган саволга эса мураббий шундай жавоб қайтарди:
«Эртага Ўзбекистон ва Миср ўйинини атрофлича таҳлил қиламиз. Иккиси ҳам кучли рақиблар. Ўзбекистон — жуда яхши таркибга эга, ҳар қандай жамоага қарши муносиб ўйин кўрсата олади. Бироқ, агар финалда қайси жамоага қарши ўйнашни истайсизлар десангиз, мен Мисрни танлардим. Босим остидаги ўйинлар биз учун жуда муҳим — улар орқали қайси жиҳатларимизни яхшилашимиз кераклигини аниқ кўрамиз».

Эслатиб ўтамиз, Ўзбекистон – Миср учрашуви 14 ноябр куни Ал-Айндаги «Hazza bin Zayd» стадионида соат 21:00да старт олади. Мазкур баҳс ғолиби финалда Эронга қарши майдонга тушади, мағлуб жамоа эса 3-ўрин учун Кабо-Верде билан кураш олиб боради.

Мусобақа тобора қизимоқда. Энди барча нигоҳлар Ўзбекистон – Миср учрашувига қаратилган — форсларнинг финалдаги рақиби айнан шу баҳсда аниқланади.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?