Аргентинадаги "Ривер Плейт" клуби мухлисларини хафа қиладиган натижаларга эришмоқда. DiarioOle нашрига кўра, ушбу жамоа 1926-йилдан бери илк бор кетма-кет 4 та уй учрашувида мағлубиятга учради.
Бундан ташқари, "Ривер Плейт" сўнгги 10 та учрашувда 8 та мағлубият қайд этган. Ҳозирда жамоа мамлакат чемпионатининг (Клаусура босқичи) гуруҳларидан бирида 14-турдан сўнг 6-ўринда бормоқда.
Сентябрь ойида Марсело Гальярдо бошқарувидаги жамоа Либертадорес Кубоги чорак финалида мусобақадан четлатилган эди. Октябрь ойида эса Аргентина Кубогининг финалига чиқиш имконини "Индепендьенте Ривадавиа" жамоасига бой беришди.
Мутаҳассисларнинг фикрича, жамоа таркибидаги айрим футболчилар ёши катталашмоқда. Шунингдек, жароҳатлар ва трансферларда амалга оширилган хатолар жамоанинг натижасига салбий таъсир кўрсатмоқда.
Бош мураббий эса академия тарбияланувчиларига етарлича ишонч билдирмай, таркиб ва тактика билан доимий тажриба ўтказмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
