Бирлашган Араб Амирликларининг Дубай шаҳрида давом этаётган эркаклар ўртасидаги Жаҳон чемпионати қизғин паллага кирди. Кечаги беллашувлардан сўнг 7 нафар ҳамюртимиз чорак финалга йўл олиб, таркибимиздаги умумий руҳий кўтаринкиликни янада оширди.
Эндиликда навбат — бугунги муҳим кунга. Мусобақанинг навбатдаги босқичида яна тўрт нафар боксчимиз рингга кўтарилиб, бош мукофот сари яна бир қадам ташлашга ҳаракат қилади.
Бугунги жанглар қуйидаги тартибда ўтади:
-54 кг: Асилбек Жалилов — Амаду Моҳаммед (Гана)
-86 кг: Акмалжон Исроилов — Даулет Тулемиссов (Қозоғистон)
-51 кг: Ҳасанбой Дўсматов — Самет Гумус (Туркия)
-57 кг: Хўжаназар Нортожиев — Сачин (Ҳиндистон)
Тошкент вақти билан биринчи дастур соат 18:00 да бошланади, иккинчи дастур эса 22:00 да старт олади. Ўзбекистон бокс федерацияси жанглардан олдин мураббийлар штаби ва спортчиларнинг руҳияти ижобий эканини маълум қилмоқда.
Юртдошларимизни рингда катта синовлар кутиб турибди. Ҳар бир жанг — чорак финалга олиб борадиган йўлда муҳим қадам. Мухлислар эса жамоамиздан яна бир тарихий кун ясашини умид билан кутмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
