2025 йилнинг расмий якунлари эълон қилиниши билан World Boxing ташкилоти барча вазн тоифалари бўйича дунё рейтингини жамоатчиликка тақдим этди. Ушбу рўйхатда юртимиз боксчилари яна бир бор ўзининг юқори маҳорати, барқарор натижаси ва халқаро аренадаги нуфузини намойиш этди. Аёллар ва эркаклар ўртасидаги деярли барча вазн тоифаларида Ўзбекистон номидаги спортчилар юқори поғоналардан жой олди.
Бу нафақат ёш авлод учун илҳом, балки миллий бокс мактабининг қанчалик кучли эканига яна бир исботдир. Қуйида вазнлар кесимида батафсил натижаларни кўриб чиқамиз.
Аёллар боксининг 2025 йилги дунё рейтингида ўзбек қаҳрамонлари
Юртдош спортчи қизларимиз жаҳон рейтингида кўплаб юқори ўринларни эгаллади. Айниқса, -65 ва -70 кг вазнларда Навбаҳор Хамидова ҳамда Азиза Зокирова учинчи поғонадан жой олгани эътиборга молик. Умуман олганда, ҳар бир вазнда камида бир нафар ўзбекистонлик аёл боксчисининг мавжудлиги — миллий бокс тизимининг тўғри йўлда эканини кўрсатади.
-48 кг: Сабина Бобоқулова — 4-ўрин, Фарзона Фозилова — 9-ўрин
-51 кг: Феруза Казакова — 4-ўрин, Гулсевар Ғаниева — 11-ўрин
-54 кг: Нигина Ўктамова — 8-ўрин, Феруза Казакова — 14-ўрин
-57 кг: Хуморабону Мамажонова — 10-ўрин
-60 кг: Ситора Турдибекова — 10-ўрин
-65 кг: Навбаҳор Хамидова — 3-ўрин
-70 кг: Азиза Зокирова — 3-ўрин
-75 кг: Азиза Зокирова — 14-ўрин
-80 кг: Соҳиба Рўзметова — 11-ўрин
80+ кг: Олтиной Сотимбоева — 5-ўрин
Эркаклар бокс рейтингини эса ўзбеклар лидер сифатида бошқармоқда
Энг катта эътибор — эркаклар ўртасидаги рақобатда ҳам бир нечта вазн тоифасида ўзбек спортчилари жаҳон бўйича биринчи ўринни эгаллагани. Хусусан, -60, -65, -75, -80, -85 ва -90 кг вазнларда юртимиз боксчилари динозаврлардек устунлик қилмоқда.
-50 кг: Асилбек Жалилов — 6-ўрин, Шодиёр Мелиқўзиев — 7-ўрин
-55 кг: Миразизбек Мирзаҳалилов — 9-ўрин, Самандар Олимов — 11-ўрин
-60 кг: Абдумалик Халаков — 1-ўрин, Дилшод Абдумуродов — 13-ўрин, Мадияр Данияров — 16-ўрин
-65 кг: Асадхўжа Мўйдинхўжаев — 1-ўрин, Адҳамжон Муҳиддинов — 10-ўрин
-70 кг: Шавкатжон Болтаев — 8-ўрин, Муҳаммадазизбек Исмоилов — 12-ўрин
-75 кг: Фазлиддин Эркинбоев — 1-ўрин, Жавоҳир Абдураҳимов — 8-ўрин
-80 кг: Жавоҳир Умматалиев — 1-ўрин, Тўрабек Хабибуллаев — 8-ўрин
-85 кг: Акмалжон Исроилов — 1-ўрин, Жасурбек Йўлдошев — 11-ўрин
-90 кг: Тўрабек Хабибуллаев — 1-ўрин, Нусратбек Тоҳиров — 11-ўрин
90+ кг: Жаҳонгир Закиров — 2-ўрин, Ҳалимжон Мамасолиев — 7-ўрин
Хулоса
2025 йил учун эълон қилинган ушбу рейтинг яна бир бор исботлайди:
Ўзбекистон бокс мактаби жаҳоннинг энг кучлиларидан бирига айланиб бўлган.
Юртдош спортчиларнинг кўрсатаётган барқарор натижалари Париждан кейинги олимпия циклда ҳам улкан ютуқларни кутишга асос беради. Мухлислар эса энди ҳар бир мусобақани алоҳида қизиқиш ва катта ишонч билан кузатадиган бўлиб қолган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
