Наполи Италия Суперкубоги финалига йўл олди. Антонио Конте бошқарувидаги жамоа ярим финалда Миланни 2:0 ҳисобида мағлуб этди.
Учрашувнинг 39-дақиқасида Давид Нерес ҳисобни очди, 63-дақиқада эса Расмус Ҳойлунд иккинчи голни уриб, ғалабани мустаҳкамлади. Ўйиндан сўнг Конте Sport Mediasetга берган интервьюсида жамоасининг ўйинидан мамнунлигини айтди.
Унинг таъкидлашича, Наполи кўплаб иқтидорли футболчиларга эга кучли рақибга қарши пухта ўйин кўрсатишни мақсад қилган. "Биз кучли рақибга қарши сифатли футбол намойиш этишни хоҳладик.
Бизнинг ўйин услубимиз кўп куч талаб қилади: биз фақат ҳимояланиб, қарши ҳужумлар билангина чекланмаймиз. Бугун йигитлар соврин учун курашишга тайёр эканини кўрсатди, мен жуда мамнунман.
Буни кўп бор айтганман, яна такрорлашга мажбурман: шунча ўйинни жуда кам футболчи билан ўтказсангиз, муаммолар муқаррар бўлади. Жамоа кўпинча иккинчи бўлимда чарчагандек кўринади, бироқ бугун футболчилар жуда жипс ишлашди", деди Конте.
Финалнинг иккинчи иштирокчиси жума куни бўлиб ўтадиган Болонья – Интер учрашувида аниқланади. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
