"Тоттенхэм"-"Манчестер Сити": баҳс учун тахминий таркиблар очиқланди

14:00 / 01.02.2026·4K·Спорт

Қисқача

Бугун Англия Премер-лигасининг 24-турида "Тоттенхем" ва "Манчестер Сити" ўртасида муҳим учрашув бўлиб ўтади. Ўйин Тошкент вақти билан соат 21:30 да бошланади. Иккита жамоанинг эҳтимолий старт таркиблари бир нечта манбаларда эълон қилинди, "Тоттенхем"да ҳимоячилар ва "Сити"да ярим ҳимоячилар ўртасида танловлар мавжуд. Абдуқодир Ҳусановнинг бошланғич таркибда ўйнаши эҳтимоли юқори, бу эса ўзбек мухлислари учун қувончли янгилик.

Бугун Англия Премьер-лигаси 24-туридан ўрин олган марказий баҳслардан бири — "Манчестер Сити" сафарда "Тоттенхэм Хотспур"га қарши майдонга тушади. Учрашув Тошкент вақти билан соат 21:30 да старт олади.

Беллашув олдидан бир нечта нуфузли нашрлар икки жамоанинг эҳтимолий старт таркибларини эълон қилди. Қизиғи — вариантлар ўртасида айрим позицияларда фарқ бор: “Тоттенхэм”да марказий ҳимоячи танлови, “Сити”да эса ярим ҳимоядаги бир ном атрофида баҳс кетяпти. Қуйида барча версиялар тўлиқ келтирилган.

Sports Mole версияси

“Тоттенхэм”: Гульельмо Викарио, Джед Спенс, Кристиан Ромеро, Микки ван де Вен, Дестини Удоджи, Жоау Палинья, Конор Галлахер, Уилсон Одоберт, Хави Симонс, Рандаль Коло Муани, Доминик Соланке.

“Манчестер Сити”: Джанлуиджи Доннарумма, Матеус Нунес, Абдуқодир Ҳусанов, Марк Гехи, Нико О’Райли, Родри, Раян Шерки, Бернарду Силва, Тижжани Рейндерс, Антуан Семеньо, Эрлинг Холанд.

SportsGambier талқини

“Тоттенхэм”: Викарио, Спенс, Ромеро, Кевин Дансо, Удоджи, Палинья, Галлахер, Одоберт, Симонс, Арчи Грей, Соланке.

“Манчестер Сити”: Доннарумма, Нунес, Ҳусанов, Гехи, О’Райли, Родри, Шерки, Силва, Фил Фоден, Семеньо, Холанд.

Sporting News версияси

“Тоттенхэм”: Викарио, Спенс, Ромеро, Ван де Вен, Удоджи, Грей, Галлахер, Одоберт, Симонс, Пап Маттар Сарр, Соланке.

“Манчестер Сити”: Доннарумма, Нунес, Ҳусанов, Гехи, О’Райли, Родри, Шерки, Силва, Рейндерс, Семеньо, Холанд.

Sports Illustrated талқини

Бу версияда ҳатто тактик схема ҳам кўрсатилган — “Тоттенхэм” 4-2-3-1, “Сити” эса 4-1-4-1 кўринишида.

“Тоттенхэм” — Томас Франк XI (4-2-3-1):
Викарио; Спенс, Ромеро, Ван де Вен, Удоджи; Галлахер, Палинья; Матис Тел, Симонс, Одоберт; Соланке.

“Манчестер Сити” — Пеп Гвардиола XI (4-1-4-1):
Доннарумма; О’Райли, Гехи, Ҳусанов, Нунес; Родри; Шерки, Силва, Рейндерс, Семеньо; Холанд.

Нимага эътибор қилиш керак?

Бир неча манбада ҳам Абдуқодир Ҳусановнинг стартда тушиши эҳтимоли юқори кўрсатилган — бу биз учун алоҳида кайфият.
“Тоттенхэм”да эса марказда Ван де Венми ёки Дансоми — асосий савол шу.

Қолгани одатдагидек: тўп ўйинга кирса, тахминлар “расмий режа”га айланади. Бугун 21:30 да ҳаммасини майдоннинг ўзи ҳал қилади.