Капелло Бастонининг ҳаракатини жирканч деб баҳолади

Машҳур италиялик мутахассис Фабио Капелло “Ювентус” ҳимоячиси Пер Калулюнинг “Интер”га қарши учрашувда (2:3) қизил карточка олган эпизодига муносабат билдирди. Бу ҳақда euro-football.ru хабар беради.

Капеллонинг таъкидлашича, Алессандро Бастони Италия терма жамоаси футболчиси бўла туриб, майдонда бундай йўл тутмаслиги керак. Мураббий Бастонининг ҳакамни симуляция билан чалғитгани “жирканч манзара” бўлганини айтди. Шунингдек, у “Интер” бош мураббийи Кивунинг ўйинчисини оқлагандек кўринган гапларидан ҳам ранжиганини қўшимча қилди.

Ушбу ғалабадан кейин “нерадзурри” А Серияда пешқадамликни янада мустаҳкамлади, “кексалар” эса турнир жадвалида бешинчи ўринда бормоқда.