Римнинг “Рома” клубининг собиқ сардори Франческо Тотти португалиялик мураббий Жозе Моуриньо билан бир даврда ишламаганидан афсусда эканини айтди. Моуриньо яқинда римликлар билан фаолият олиб борди, бироқ Тоттининг бунга алоқаси бўлмади — у футболчилик фаолиятини 2017 йилда якунлаган. Бу ҳақда euro-football.ru хабар беради.
Тоттининг фикрича, агар у Моуриньо қўл остида ўйнаганида, ўз салоҳиятини янада тўлиқроқ намоён эта оларди. У Моуриньони футболчиларга майдонда эркинлик берадиган, жамоа ичидаги муҳитни бошқара оладиган очиқ инсон сифатида тасвирлади ва кўп юлдузли таркибни шунчаки машқ қилдириш эмас, балки тўғри бошқариш муҳимлигини таъкидлади.
Эслатиб ўтамиз, айни пайтда “Рома” А Серияда бешинчи ўринда бормоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
