Миланнинг «Интер» клуби бош директори Жузеппе Маротта жамоа «Брюгге» ярим ҳимоячиси Александар Станкович бўйича қайта сотиб олиш бандини ишга тушириши мумкинлиги ҳақидаги гап-сўзларга муносабат билдирди. Бу ҳақда euro-football.ru хабар беради.
Мароттанинг айтишича, қайта сотиб олиш ҳуқуқи 2027 йилгача амал қилади ва ҳозирча бу мавзуда аниқ хулоса қилиш эрта. У келажакда қандай қарор қабул қилиниши вақт кўрсатишини таъкидлаб, Станкович амалда «Интер»га жуда яқин футболчи экани, у ҳатто Чемпионлар лигасида ҳам қимматли тажриба олаётганини қўшимча қилди.
Александар Станкович 2025 йилда «Интер»дан «Брюгге»га 9 миллион евро эвазига кўчиб ўтган. Унинг белгияликлар билан шартномаси 2029 йил 30 июнгача мўлжалланган. Жорий мавсумда таянч ярим ҳимоячи барча мусобақаларда 38 ўйинда майдонга тушиб, 7 та гол урди ва 4 та голли узатмани амалга оширди.
“Zamin”ни Telegram'да ўқинг!
