«Динамо»нинг собиқ футболчиси Кирилл Панченко «Реал Соседад» сафида тўп сураётган россиялик ярим ҳимоячи Арсен Захарян манзилига йўлланаётган танқидларга муносабат билдирди. Ундан Захарян вазиятни ўзгартириб, бошқа жамоага ўтиши керакми, деган савол сўралди. Бу ҳақда euro-football.ru хабар беради.
Панченкога кўра, бундай қадамга ҳозирча эҳтиёж йўқ. «Менимча, йўқ. Арсен ўз ишининг профессионалидир. Агар гап у гол ура олмаган эпизод ҳақида бўлса, ҳар бир футболчи хато қилишга ҳақли», — дея Панченко сўзларини Metaratings келтирди.
У Захарянни яхши даражадаги футболчи деб ҳисоблашини таъкидлаб, ярим ҳимоячи айнан «Реал Соседад»да ўз даражасини амалда исботлаб бориши кераклигини қўшимча қилди.
2025/2026 йилги мавсумда Захарян 17 та учрашувда майдонга тушиб, 1 та гол муаллифи бўлди. Transfermarkt портали 22 ёшли футболчининг трансфер қийматини 7,5 миллион еврога баҳоламоқда.
“Zamin”ни Telegram'да ўқинг!
