Капелло Леау ҳақида: У мен учун ҳужумчи эмас, деди

Машҳур мутахассис Фабио Капелло «Милан» етакчиси Рафаэл Леауни марказий ҳужумчи сифатида кўрмаслигини айтди. Бу ҳақда euro-football.ru хабар беради.

Португалиялик футболчи аслида қанот вингери бўлса-да, сўнгги пайтларда кўпинча ҳужум чизиғида ҳам майдонга тушмоқда. Жорий мавсум А Сериясида у 19 учрашувда 8 та гол урди ва 2 та голли пас берди.

Капеллонинг фикрича, Леау урган голлари сонига қарамай, олдинда жамоа учун таянч нуқта бўла олмайди. «Мен учун у шунчаки ҳужумчи эмас. Голлар сонини унутинг — у олдинги чизиқда жамоага йўл кўрсатадиган футболчи бўлиб бера олмайди», — дея Капеллодан иқтибос келтиради La Gazzetta dello Sport.

26 турдан кейин «Милан» А Серияси жадвалида иккинчи ўринда бормоқда ва пешқадам «Интер»дан 10 очко ортда қолган.

Abror Tovmurodov

«ZAMIN.UZ» муҳаррири