Франция термаси янги либосларини тақдим этди, рамзлар очилди
Франсия футбол федерацияси ва Нике миллий жамоанинг навбатдаги жаҳон чемпионати учун янги либосларини расман тақдим этди. Кўк рангдаги уй либоси янги авлоднинг юқори мақсадлар сари интилишини, яшил-кулранг сафар либоси эса “Либерте” — озодлик ғоясини ифодалайди. Сафар либоси Франсия ва АҚШ ўртасидаги тарихий дўстлик ҳамда Озодлик ҳайкали орқали ифодаланадиган умумий қадриятларни ёдга солади.
Франция футбол федерацияси ва машҳур спорт бренди Nike Франция миллий жамоасининг навбатдаги жаҳон чемпионати учун мўлжалланган янги либосларини расман тақдим қилди. Бу ҳақда федерация матбуот хизмати маълум қилди.
Янги форма нафақат дизайн, балки чуқур маъно ва рамзларга бойлиги билан ҳам ажралиб туради. Кўк рангдаги уй либоси янги авлоднинг юқори мақсадлар сари интилишини ифода этса, яшил-кулранг сафар либоси “Liberte” — озодлик ғоясини акс эттиради. Ушбу образ Франция ва АҚШ ўртасидаги тарихий дўстликни ҳамда Озодлик ҳайкали орқали ифодаланадиган умумий қадриятларни ёдга солади.
Маълум бўлишича, футболчилар янги сафар либосларида 26 март куни Бразилияга қарши ўртоқлик учрашувида майдонга тушишади. Уй либоси эса 29 март куни Колумбияга қарши баҳсда илк бор намойиш этилади. Ҳар икки учрашув АҚШда ўтказилиши режалаштирилган.
Янги форма мухлислар орасида аллақачон катта қизиқиш уйғотган бўлиб, унинг услуби ва маъноси Франция термасининг янги босқичга қадам қўяётганини англатади.
Изоҳлар 0
…