"Барселона" ҳужумчиси Ферран Торрес профессионал футболчилик фаолиятини Англияда давом эттириши мумкин. Спорт журналисти Экрем Конурнинг сўзларига кўра, агар Жошуа Зиркзе жамоани тарк этишга қарор қилса, "Манчестер Юнайтед" испаниялик ҳужумчини ўз сафига қўшиб олиш имкониятини кўриб чиқади.
Хабарларда ушбу эҳтимолий трансфер Маркус Рэшфорд иштирокидаги ҳар қандай келишув ёки музокараларга мутлақо алоқадор эмаслиги алоҳида таъкидланган.
Торрес атрофидаги вазиятни Лондоннинг "Арсенал", Миланнинг "Интер" ва Мадриднинг "Атлетико" клублари ҳам диққат билан кузатиб бормоқда. Шу билан бирга, "Барселона" футболчини сотиш вариантини истисно этмаяпти.
26 ёшли ҳужумчи жорий мавсумда барча мусобақаларда 40 та ўйинда иштирок этиб, 16 та гол урди ва битта голли узатмани амалга оширди. Трансфермаркт экспертлари ҳозирда футболчининг бозор қийматини 50 миллион еврога баҳоламоқда.
“Zamin”ни Telegram'да ўқинг!
