Бокс бўйича жаҳон ва Европа чемпиони, шунингдек, Токио–2020 Олимпиадаси бронзаси соҳиби Ирма Теста Италия футбол терма жамоасининг кетма-кет учинчи жаҳон чемпионатига чиқа олмаслиги ҳақида ўз фикрини билдирди.
«Мовий гвардия» ЖЧ-2026 саралаш плей-офф финалида Босния ва Герцеговинага пеналтилар сериясида мағлуб бўлиб, (1:1, пен – 1:4) тарихда учинчи маротаба Жаҳон чемпионатига йўл ололмади.
Муваффақиятсизликдан сўнг, Италия футбол федерацияси раиси Габриэле Гравина шундай изоҳ берди: «Футбол — бу юқори даражадаги профессионалликни талаб қилувчи спорт тури. Уни бошқа спорт турлари билан солиштириш қийин».
28 ёшли Теста ижтимоий тармоқда ёзган фикрларида ўз ҳис-туйғуларини очиқ ифода этди: «Биз ҳақиқий профессионаллармиз. Майдонга тушиб, юртимиз ва байроғимиз учун курашамиз ҳамда ғалаба қозонамиз. Бу вақтда миллионер футболчилар эса ўйин майдонида ўзларини кулгига қолдиришмоқда. Мен футболчилардан кўпроқ машқ қиламан, лекин уларнинг ошпазлари ёки ёрдамчиларидан ҳам камроқ пул топаман. Шунингдек, агар мен ютқазсам (бу камдан-кам содир бўлади), бутун миллат олдида жавобгарлик оғирлигини ҳис қиламан. Аслида эса мендан ҳеч ким ҳеч нарса талаб қилмайди, чунки барча фақат футбол кўриш билан банд».
У ўз постини руҳлантирувчи сўзлар билан якунлади: «Форза, Италия! (Олға, Италия!) Паста ва Тото Кутунио!»
Итальян спортчиси Ирма Тестанинг сўзлари терма жамоага муҳаббат ва меҳр билан қарашини, шу билан бирга жамоанинг натижалари учун шахсан масъулият ҳис қилишини кўрсатади. Унинг фикрлари мухлислар учун илҳом ва қувонч манбаи бўлди, чунки ҳар бир спортчи ўзи учун ҳам, миллат учун ҳам курашади.
“Zamin”ни Telegram'да ўқинг!
