22–27 апрель кунлари Беларуснинг Минск шаҳрида Беларусь Республикасида хизмат кўрсатган мураббий В.В. Ботвинник хотирасига бағишланган халқаро очиқ бокс турнири бўлиб ўтади. Унда 2010–2011 йилда туғилган ёш спортчилар деярли бир ҳафта давомида рингда ғолиблик учун баҳс олиб боради.
Ушбу нуфузли мусобақада Ўзбекистон терма жамоаси ҳам тўлиқ таркибда иштирок этади. Йигитлар ва қизлар ўз вазн тоифаларида мамлакат шарафини ҳимоя қилиш учун рингга кўтарилади.
Йигитлар таркибида қуйидаги боксчилар жой олган:
-46 кг вазнда Абдуллоҳ Зиявитдинов,
-48 кг да Мустафо Турсунбоев,
-50 кг да Илёьс Зарифбоев,
-52 кг да Исломбек Фурқатов,
-54 кг да Оғабек Отамуродов,
-57 кг да Ҳожиакбар Мирзамаҳмудов,
-60 кг да Улуғбек Солиев,
-63 кг да Абдураҳмон Муртазаев,
-66 кг да Муҳаммадсодиқ Муқимов,
-75 кг да эса Амирхон Салоҳиддинов.
Қизлар таркибида эса:
-46 кг вазнда Райҳона Алимханова,
-50 кг да Нафиса Босимова,
-54 кг да Сабина Мирзаева иштирок этади.
Мураббийлар штабида Мўминжон Аҳмедов, Алиёр Норалиев ва Нодиржон Иргашев фаолият олиб боради. Жамоанинг ҳаками сифатида эса Жаҳонгир Солиев мусобақада ишлайди.
Ўзбекистон бокс федерацияси маълумотига кўра, бу турнир ёш спортчилар учун халқаро тажриба тўплаш, ўз маҳоратини синаб кўриш ва келажакдаги йирик мусобақаларга тайёргарлик кўришда муҳим босқич ҳисобланади.
Қисқаси, Минскдаги ушбу турнир ёш боксчилар учун катта имконият майдони бўлиб, уларнинг келажакдаги спорт йўлига жиддий таъсир кўрсатиши кутилмоқда.
“Zamin”ни Telegram'да ўқинг!
