"Бавария" клуби "Интер" ҳимоячиси Думфрисни сотиб олишни режалаштирмоқда
Мюнхеннинг "Бавария" клуби "Интер" ҳимоячиси Дензел Думфрисни сотиб олишни режалаштирмоқда. Жамоанинг янги бош мураббийи Винсент Компани нидерландиялик футболчини таркибда кўрмоқчи. "Бавария" раҳбарияти Думфрисни Конрад Лаймер ва Йосип Станишичга қараганда ишончлироқ вариант деб ҳисобламоқда, шунингдек, "Интер" уни ёзда сотишга тайёр. Музокаралар трансфер ойнаси очилиши билан жадаллашиши кутилмоқда.
Мюнхеннинг "Бавария" клуби ўнг қанот ҳимоясидаги муаммоларни ҳал қилиш учун "Интер" аъзоси Дензел Думфрисни асосий нишон сифатида танлади. Жамоанинг янги бош мураббийи Винсент Компани нидерландиялик футболчини таркибда кўрмоқчи. Бу ҳақда Goal.com хабар беради.
29 ёшли ҳимоячи учун курашда "Манчестер Сити" ва "Барселона" клублари ҳам иштирок этмоқда. Думфрис яқинда агентини ўзгартиргани унинг Италия А Сериясини тарк этишга тайёрлигидан далолат беради.
"Бавария" раҳбарияти тажрибали футболчини Конрад Лаймер ва Йосип Станишичга қараганда ишончлироқ вариант деб ҳисобламоқда. Гарчи Думфриснинг "Интер" билан шартномаси 2028 йилгача амал қилса-да, Милан клуби уни ёзда сотишга тайёр.
Футболчи 2025 йил охирида тўпиғидан жароҳат олиб, уч ойга сафдан чиққан эди. Февраль ойида майдонга қайтган ҳимоячи ўзининг жисмоний ҳолати жойида эканини исботлади ва жамоасининг чемпионлик сари юришига ёрдам бермоқда.
Мавсум якунлангач, клублар ўртасидаги музокаралар жадаллашиши кутилмоқда. Мюнхенликлар рақибларини ортда қолдириш учун трансфер ойнаси очилиши билан расмий таклиф юборишни режалаштирган.
Изоҳлар 0
…