Педри жароҳати сабаб «Атлетико» билан ўйинда алмаштирилди
«Барселона» бош мураббийи Ханси Флик «Атлетико»га қарши ўйинда Педрини жароҳати сабаб алмаштирганини маълум қилди. Педри тиззасининг орқа қисмида оғриқ сезган ва клуб тиббий штаби уни захирага олишни тавсия қилган. «Барселона» ўйинни 0:2 ҳисобида мағлубиятга учради, Педрининг «Эспанёл»га қарши дербида иштирок этиши сўроқ остида. Шу билан бирга, Френки де Йонгнинг қайтиши кутилмоқда.
«Барселона» бош мураббийи Ханси Флик «Атлетико»га қарши ўйинда ярим ҳимоячи Педрини нима сабабдан танаффусда алмаштирганига ойдинлик киритди. «Камп Ноу»да ўтган баҳснинг биринчи бўлимидан сўнг майдонни тарк этган футболчи ўрнига Гави туширилди. Бу ҳақда Goal.com хабар беради.
«Мундо Депортиво» нашри хабарига кўра, Педри тиззасининг орқа қисмида оғриқ сезган. Футболчининг жароҳатларга мойиллигини ҳисобга олган клуб тиббий штаби мураббийлар штабига таваккал қилмасликни ва уни захирага олишни маслаҳат берган.
Каталонияликлар ўз майдонида 0:2 ҳисобида мағлубиятга учради ва энди ярим финалга чиқиш учун жавоб ўйинида қийин вазифани бажариши керак бўлади. Педрининг шанба куни «Эспанёл»га қарши бўлиб ўтадиган дерби ўйинида иштирок этиши сўроқ остида турибди.
Шу билан бирга, олти ҳафталик танаффусдан сўнг Френки де Йонг сафга қайтиши кутилмоқда. Ярим ҳимоячи дерби баҳсигача тўлиқ тикланиб, жамоага ёрдам бериши мумкин.
Изоҳлар 0
…