Кристал Пелас ҳужумчиси Жеан-Пҳилиппе Матета қишки трансфер ойнаси вақтида Милан клубига ўтиши барбод бўлгани унга руҳий томондан қаттиқ таъсир қилганини тан олди. Томонлар 35 миллион евро эвазига келишувга яқин турган эди, бироқ тиббий кўрик вақтида футболчининг тиззасидаги муаммолар аниқлангач, Италия клуби трансферни бекор қилишга қарор қилди. Бу ҳақда Goal.com хабар беради.
Матета ЛЪEқуипе нашрига берган интервюсида ўша даврни эслаб: "Ростини айтсам, трансфер амалга ошмай қолгани менга руҳий зарба бўлди. Бироқ тезда ўзимни қўлга олдим ва мутахассислар билан маслаҳатлашиб, жарроҳлик амалиётига эҳтиёж йўқлигини билдим. Мен бор эътиборимни машғулотларга қаратиб, мураббий Оливер Гласнерга ўз кучимни исботлашга ҳаракат қилдим", - дея таъкидлади.
Шунга қарамай, франциялик ҳужумчи ва Милан ўртасидаги алоқалар узилгани йўқ. Клуб спорт директори Игли Таре келажакда вазиятга қайтишлари мумкинлигини истисно этмади. Шунингдек, футболчининг агенти Паул Латоуче Милан ва Ювентус ўртасидаги баҳсни трибунадан кузатгани трансфер миш-мишларини янада кучайтирди.
“Zamin”ни Telegram'да ўқинг!
