Бавария яримҳимоячиси Конрад Лаимернинг шартномасини узайтириш жараёни кутилганидан кўра мураккаброқ кечмоқда. Дастлаб шунчаки расмиятчилик деб қаралган бу музокаралар ҳозирда томонларнинг маош борасидаги келишмовчиликлари туфайли тўхтаб қолди. Бу ҳақда Goal.com хабар беради.
Реал Мадрид афсонаси Тони Кроос ўзининг "Эинфач мал Луппен" подкастида собиқ жамоасига мурожаат қилиб, муҳим ўйинчиларни қадрсизлантирмаслик кераклигини таъкидлади. Крооснинг фикрича, ҳар мавсумда 40 та гол урмаса ҳам, жамоа учун қора меҳнатни бажарадиган футболчиларга муносиб маош тўлаш шарт.
Скй хабарига кўра, австриялик футболчи ҳозирги 10 миллион евролик маошини 15 миллион еврога етказмоқчи. Бироқ Бавария раҳбарияти, хусусан Ули Хёнес, футболчининг талабларини танқид остига олди. Клуб президенти Лаимернинг меҳнатини юқори баҳоласа-да, уни Марадона билан солиштириб бўлмаслигини ва клуб молиявий сиёсатни қатъий тутишини билдирди.
Бавария Жошуа Киммич, Жамал Мусиала ва Алпҳонсо Давиес каби юлдузлар билан қимматбаҳо шартномалар имзолаганидан сўнг, эндиликда ҳар қандай молиявий талабга кўнавермасликни мақсад қилган. Ҳозирда клуб спорт директори Макс Эберл ва Кристоф Фройнд музокараларни давом эттирмоқда.
“Zamin”ни Telegram'да ўқинг!
