Челси афсонаси Жоэ Коул клуб раҳбариятига Хосе Моуриньони учинчи бор Стамфорд Бридгега қайтариш бўйича дадил таклиф билан чиқди. Жамоа янги доимий бош мураббий излаётган бир пайтда, Коул "Maxсус инсон" (Тҳе Специал Оне) жамоани инқироздан олиб чиқиш учун энг мантиқий ва реал номзод эканлигини таъкидламоқда. Бу ҳақда Goal.com хабар беради.
Ҳозирда Бенфика билан шартномаси бўлишига қарамай, Моуриньонинг ёзда катта лигалардан бирига қайтиши ҳақидаги миш-мишлар кучаймоқда. Реал Мадрид ҳам португалиялик мутахассисга қизиқиш билдираётган бўлса-да, Коул Челси бу имкониятдан фойдаланиб қолиши керак деб ҳисоблайди.
Коул СунСпорт нашрига берган интервюсида клуб Моуриньога узоқ муддатли шартнома таклиф қилиб, унга жамоани қайта қуриш учун тўлиқ ваколат бериши кераклигини айтди. Унинг фикрича, айнан Моуриньо жамоанинг ҳозирги ўзига хослик инқирозини бартараф этишга қодир ягона мураббийдир.
Моуриньо ўз вақтида Челси билан уч марта Англия Премер-лигаси чемпионлигини қўлга киритган. Коул мухлислар ва футболчилар бундай ўзгаришни ижобий қабул қилишига ишончи комил, чунки португалиялик мутахассис клуб тарихидаги энг муваффақиятли мураббий ҳисобланади.
“Zamin”ни Telegram'да ўқинг!
