Арсенал ярим ҳимоячиси Кристиан Норгор Дания терма жамоасидаги фаолиятини якунлаганини расман эълон қилди. 32 ёшли футболчи терма жамоа навбатдаги жаҳон чемпионатига чиқа олмаганидан сўнг, шундай қарорга келганини маълум қилди. Бу ҳақда Goal.com хабар беради.
Норгор ўзининг Instagram саҳифаси орқали мухлисларга мурожаат қилиб, бу қарор унинг учун ҳиссиётларга бой бўлганини таъкидлади. У терма жамоа сафида 41 та ўйинда майдонга тушган ва кўплаб унутилмас лаҳзаларни бошдан кечирган.
Футболчи оиласига кўпроқ вақт ажратиш истаги ва терма жамоадаги ёш иқтидорли ўйинчиларга йўл очиб бериш зарурати бу қарорга келишида асосий омил бўлганини қайд этди. Унинг сўзларига кўра, Дания терма жамоаси бош мураббийи Браян Ример унга катта ишонч билдирган, аммо энди у фаолиятини фақат мухлис сифатида давом эттиришни маъқул кўрмоқда.
Кристиан Норгор ўз фаолиятидаги энг ёрқин дамлардан бири сифатида 2025-йилда Португалияга қарши ўйиндаги ғалабани эслади. У терма жамоа сафидаги сўнгги ўйинини март ойида Чехияга қарши ўтказган эди.
“Zamin”ни Telegram'да ўқинг!
