Ливерпулнинг собиқ бош мураббийи Юрген Клопп ўзининг кескин ва самимий фикрлари билан яна диққат марказига тушди. ГОАЛ нашрига берган эксклюзив интервюсида немис мутахассиси футбол ва Америка спорти юлдузларини таққослаб, кутилмаган баёнотлар берди. Бу ҳақда Goal.com хабар беради.
Клоппдан Нью-Йорк Никс ва Манчестер Юнайтед ўртасида танлов қилиш сўралганда, у иккиланмасдан NBA вакилини танлади. Бу қарор Ливерпул мухлисларини хурсанд қилган бўлса-да, Олд Траффорд ишқибозлари учун ҳақоратли туюлиши мумкин. Клопп ўзининг Англия Премер-лигасидаги азалий рақибига нисбатан танқидий муносабатини яшириб ўтирмади.
Шунингдек, Клопп ўзининг Чемпионлар лигасида ғолиб чиққан Ливерпул жамоасини 1990-йиллардаги афсонавий Чикаго Буллз жамоаси билан солиштирди. Майкл Жордан бошчилигидаги баскетбол қиролларига қарши ўз жамоасини устун қўйган мураббий, Ливерпулда шакллантирган "менталитй монстерс" ғолиблик руҳига бўлган юксак ишончини намойиш этди.
Суҳбат якунида "барча даврларнинг энг яхшиси" (ГОАТ) баҳсига тўхталган Клопп Лионел Месси ва Майкл Жордан ўртасида танлов қила олмади. У вазиятдан чиқиб кетиш учун ҳазиломуз тарзда "Майкл Месси ва Лионел Жордан" дея жавоб бериб, ҳар икки спорт афсонасига ҳам ҳурмат кўрсатди.
“Zamin”ни Telegram'да ўқинг!
